Náttúra

Aðgerðir

• Áhersla verður lögð á að vernda ósnortna náttúru og nýta hana á sjálfbæran hátt.
• Efnt verður til ráðstefnu á haustdögum um þýðingu þjóðgarða og friðlýstra svæða fyrir afkomu, útivist og heilbrigði.
• Ný norræn umhverfisáætlun er forgangsverkefni.
• Haldin verður alþjóðleg ráðstefna um hvernig vernda megi lífríki hafsins dagana. Reykjavík 2.- 4. júní 2004.
  Sjá vefsíðu um ráðstefnuna; Ocean Strategies - Integrated Management of Marine Environment.
• Efla skal rannsóknir á vetni og finna leiðir til að nýta betur endurnýjanlegar orkulindir.
• Unnið verður að því að auka notkun endurnýjanlegrar orku á Vestur-Norðurlöndum, sérstaklega í Færeyjum og á Grænlandi.
• Styrkja þarf rannsóknir á áhrifum loftslagsbreytinga á orkubúskap Norðurlanda.
• Unnið verður að því að móta stefnu fyrir menningartengda ferðaþjónustu á Norðurlöndum og fyrir sjálfbæra ferðaþjónustu á norðurskautssvæðum.
• Gert verður átak í fræðslu um örugg matvæli og haldin norræn ráðstefna undir yfirskriftinni Örugg matvæli, rekjanleiki, heilnæmi og hollusta. Okóber 2004.
• Stuðlað verður að aðgerðum til að tryggja heilnæmi og hollustu sjávarafurða og miðla upplýsingum um það til neytenda.
• Hrint verður úr vör viðamiklu verkefni sem miðar að því að koma upp fjölþjóðlegum gagnabanka um fiskstofna, sérstöðu hafsvæða og merkingar á sjávarfangi.
• Haldin verður ráðstefna um þróun landbúnaðarsamstarfs á Vestur-Norðurlöndum.
• Lögð verður áhersla á verkefni sem lúta að breyttri landnýtingu svo sem skógrækt, einkum áhrifum hennar á vistkerfi, félagslegt umhverfi og þróun í dreifðum byggðum.